საქართელოს ყოფილი პირველი ლედი, ექსპრეზიდენტ მიხეილ სააკაშვილის მეუღლე, სანდრა რულოვსი, 2019 წლის 23 აგვისტოს, ბერლინში, ჩეჩნეთის ყოფილ საველე მეთაურთან ზელიმხან ხანგოშვილთან შეხვედრას გეგმავდა – ამის შესახებ “დოიჩე ველეს” რუსულმა სამსახურმა დაწერა.
გამოცემის თანახმად, ხანგოშვილის მკვლელობის საქმეში, სანდრა რულოვსი ერთ-ერთ “მნიშნელოვან მოწმედ” დაასახელეს. ხანგოშვილის შესახებ ზელიმხანი სოფელ დუისში, 1979 წელს დაიბადა. 2000-04 წლებში რუსეთ-ჩეჩნეთის ომში მონაწილეობდა. თავიდან შამილ ბასაევის, მოგვიანბით კი ასლან მასხადოვის მხარეს იბრძოდა. პანკისში, რუსეთის მოთხოვნით, ინტერპოლის მიერ ძებნილის სტატუსით დაბრუნდა.
ომიდან დაბრუნებული ზელმიხანი, საქართველოში ბიზნეს საქმინანობით დაკავდა. როგორც ბიბისი წერს, ის მდიდარ არაბ ინვესტორებს, საქართველოში ინვესტიციების ჩადებაში ეხმარებოდა.
2008 წლის რუსეთ-საქართველოს ომის დროს ხანგოშვილმა ცხინვალის დასაცავად მოხალისეთა რაზმი შეკრიბა, თუმცა რაზმის ომში გამოყენების საჭიროება აღარ დამდგარა.
2008-12 წლებში ის საქართველოს ანტიტერორისტულ ცენტრთან თანამშრლომლობდა და ამ თანამშრომლობის გამოვლინება ლაფანყურის სპეცოპერაცია იყო. რა დროსაც მან შუამავლის როლი იკისრა შეიარაღებულებსა და სამართალდამცავ ორგანოებს შორის.
