2019 წლის სინოდის სხდომაზე მღვდელმტავრობიდან მიტროპოლიტი პეტრე ცაავა გადააყენეს. მაშინ ჭონდიდის ყოფილმა მიტროპოლიტმა, გადაწყვეტილებას უსამართლო უწოდა და განყენების მიზეზად სინოდის სხდომაზე მის მიერ ეკლესიაში „მამათმავლობის მხილება“ დაასახელა.

(„წმინდა სინოდმა მიიღო უპრეცედენტო გადაწყვეტილება, პირადად პატრიარქმა, სინოდის თავმჯდომარემ, მე მიმაჩნია, რომ უსამართლოდ განმაყენა მღვდელმთავრობიდან. მე ვფიქრობ, მიზეზი არის საქართველოს ეკლესიაში პიდარასტიის მხილება, მამათმავლობისა და პიდარასტული ცოდვის მხილება“, – განაცხადა მეუფე პეტრემ)

ამას დაუსაბუთებელი ბრალდება უწოდა მართლმადიდებელი ეკლესიის საპატრიარქომ. 31 ოქტრომბერს, საღამოს 8 საათზე საპატრიარქოს ვებგვერდზე გამოქვეყნდა წმინდა სინოდის სხდომის ოქმი:
“მიტროპოლიტ პეტრეს, მოციქულთა 55-ე კანონის საფუძველზე აეკრძალოს მღვდელმოქმედება, განთავისუფლდეს ეპარქიის მმართველობისა და წმინდა სინოდის წევრობისაგან და გამწესებულ იქნას მონასტერში მოსანანიებლად.” – წერია წმინდა სინოდის სხდომის ოქმში.