რუსი ბლოგერი ალექსეი უშაკოვი იუთუბზე მორიგ ვიდეოს აქვეყნებს, სადაც ოკუპირებულ აფხაზეთში მიტოვებულ ქართულ სასაფლაოებს აჩვენებს.
იუთუბერი საკმაოდ დეტალურად აჩვენებს იქ არსებულ მდგომარეობას და ამბობს, რომ 25-30 წლის წინანდელი საფლავებიც კი დანგრეულია.
კონკრეტულად ეს ვიდეო ოჩამჩირის რაიონის სოფელ კინდიგშია გადაღებული, სადაც აფხაზეთის ომამდე ძირითადად მეგრელები ცხოვრობდნენ. ომის შემდგომ ადგილობრივების ნაწილი საქართველოს კონტროლირებად ტერიტორიაზე გადმოვიდა საცხოვრებლად, ნაწილი კი ოკუპირებულ გალის რაიონში.
ალექსეი უშაკოვი აღწერს, რომ ამ დროისთვის სოფელში სახლების 80% მიტოვებული და განადგურებულია.
