იმდენი საპატიო დოქტორობა მაქვს, ნამდვილად არ მახსოვდა, თუ ერევნის რომელიღაც უნივერსიტეტის საპატიო დოქტორობაც მქონდა. ღმერთმა ხელი მოუმართოს, მაგრამ ამით ჩინები მე ნამდვილად არ მომაკლდება, - ამის შესახებ საქართველოს მესამე პრეზიდენტმა მიხეილ სააკაშვილმა „მთავარი არხის“ ეთერში განაცხადა.
სააკაშვილმა ეს განცხადება მას შემდეგ გააკეთა, რაც სომხეთის განათლების მინისტრმა საპატიო დოქტორის წოდება ჩამოართვა.
მინისტრმა ეს გადაწყვეტილება მას შემდეგ მიიღო რაც, მიხეილ სააკაშვილმა, საკუთარ Facebook გვერდზე დაწერა, რომ მთიანი ყარაბაღი აზერბაიჯანის რესპუბლიკის სუვერენულ ტერიტორიას წარმოადგენს.
