საქართველოს პრემიერ-მინისტრი გიორგი გახარია მოქალაქეებს პირბადის ტარების, სოციალური დისტანციის დაცვისა და ელემენტარული ჰიგიენის წესების დაცვისკენ მოუწოდებს.
ამის შესახებ საქართველოს გახარიამ მთავრობის ადმინისტრაციაში გამართულ ბრიფინგზე ისაუბრა.
„მოქალაქეების მხრიდან მარტივი წესებია, პირბადის ტარება, სოციალური დისტანციის დაცვა, ელემენტარული ჰიგიენის წესების დაცვა, მინდა ჩვენს მოქალაქეებს მივმართო, რომ 8 თვე გავიდა, რაც გლობალური ეპიდემია დაიწყო, ვერც ერთმა უძლიერესმა სისტემურმა სახელმწიფომ თავის მოქალაქეს უფრო ეფექტური და ქმედითი წესები ან მკურნალობის ეფექტური ხერხი, ვერ შესთავაზა, გარდა პირბადის ტარების, დისტანციის დაცვის და ჰიგიენური წესების დაცვის. ჩვენ იმ შემთხვევაში, როცა ელემენტარული სიმპტომები გვიჩნდება პირველი რაც უნდა გავაკეთოთ, მივმართოთ ოჯახის ექიმს, პირველადი ჯანდაცვის რგოლს, ან უნდა დავრეკოთ 112-ზე“, – განაცხადა პრემიერმა.
