რამდენიმე დღის წინ, პარიზი, უჩვეულო სანახაობის მომსწრე გახდა. ადგილობრივები და ტურისტები რამდენიმე წუთის განმავლობაში სუნთქვა შეკრული უყურებდა სანახაობას, რომელიც საფრანგეთის სიმბოლოსთან, ეიფელის კოშკთან მოეწყო.
საქმე შემდეგში გახლდათ: 27 წლის ნათან პოლენმა ეიფელის კოშკსა და შაიოს თეატრს შორის გაბმულ ბაგირზე, რომელიც 70 მეტრის სიმაღლეზე იყო გაჭიმული, 670 მეტრი წარმატებით გაიარა. ამის შესახებ ინფორმაციას ადგილობრივი მედია ავრცელებს.
როგორც მედიასთან საუბრისას ნათან პოლენმა განაცხადა, ამ იდეის განხორციელება მისი ოცნება იყო და უკვე აისრულა. მისი თქმით, ბაგირზე გასვლა იმაზე რთული აღმოჩნდა, ვიდრე წარმოედგინა.
ბაგირზე მოსიარულე ნათან პოლენისთვის ეს პირველი წარმატება არ ყოფილა. მის ანგარიშზე უკვე არის 4 მსოფლიო რეკორდია. ცოტა ხნის წინ მან ოქსიტანიაში ნავასელის ცირკში მიწიდან 300 მეტრის სიმაღლეზე გაბმულ ბაგირზე გაიარა.
