პრეზიდენტების ფოტოსესია, ჩვეულებრივი და მიღებული პრაქტიკაა. ამ დროს ქვეყნის ლიდერები წარმოჩინდებიან, როგორც შრომისმოყვარე, ქაღალდებსა და რთულ სამუშაო პროცესებში ჩართული მმართველები. მაგალითად ყველას ახსოვს ობამას ფოტოსესიები, რომლებშიც ის ოვალურ კაბინეტში ქაღალდებში ჩაფლულია.
თუმცა კიდევ სხვაგვარი ფოტოსესიაც არსებობს – პუტინის ალფა მამრის კარიკატურის ელფერის მქონე ფოტოსესია. დღევანდელ მიკრო-ბლოგში რუსეთის პრეზიდენტის ახალ, ძველ სტანდარტზე დამყარებულ ფოტოებზე მოგიყვებით.
პუტინი ისევ ტაიგას ეწვია, ამჯერად თავდაცვის მინისტრ სერგეი შოიგუსთან ერთად. მაჩიზმისა და პიროვნული კულტის საუკეთესო სტილში პრეზიდენტი პუტინი ე.წ დუბლიონკაში, მოთრიმლულ ტყავის ქურქში გამოწყობილი პოზირებს.
