ნაციონალური საკალათბურთო ასოციაციის პარალელურად, NBA-ის განვითარების ლიგაც მიმდინარეობს, სადაც სანდრო მამუკელაშვილის „ვისკონსინ ჰერდი“ ძალიან კარგად გამოიყურება. „მილუოკი ბაქსის“ G ლიგის გუნდი „ინდიანა პეისერსის“ „მედ ენტსს“ ზედიზედ მეორედ დაუპირისპირდა და წინა შეხვედრისგან განსხვავებით, ამჯერად მარტივი გამარჯვება მოიპოვა 114-102.
ქართველი კალათბურთელი სასტარტო შემადგენლობაში იყო, 28 წუთი ითამაშა და ორმაგი დუბლი გაიფორმა. ის ორივე გუნდის მხრიდან ქულებით საუკეთესო იყო. სანდრომ 22 ქულა, 10 მოხსნა (5 შეტევაში), 2 პასი და 2 დაფარება დააგროვა.
