„ქართული ოცნების” აღმასრულებელი მდივანი ირაკლი კობახიძე სუსში გამოკითხვაზე იმყოფებოდა. „ოცნების“ წარმომადგენელმა ძალოვანი უწყების შენობა რამდენიმე წუთის წინ დატოვა.
როგორც კობახიძემ ჟურნალისტებთან განმარტა, მან სამართალდამცველებს ოპოზიციის მიერ ორგანიზებულ რევოლუციურ სცენართან დაკავშირებით მიაწოდა ინფორმაცია და დაასახელა მათი ლიდერების გვარები, რომლებიც ამ სცენარის განხორციელებაში არიან ჩართულები.
მისივე განმარტებით, ინფორმაციის წყაროს მედიასთან ვერ დაასახელებს, რადგან ეს უკვე სამართალდამცველების პრეროგატივაა.
