„ქართული ოცნების“ აღმასრულებელი მდივანი ირაკლი კობახიძე მიიჩნევს, რომ პარტიას, რომელიც მიღებულ მანდატებზე უარს ამბობს სახელმწიფო დაფინანსებაც არ უნდა მიეცეს.
„ამასთან დაკავშირებით კარგიც იქნება კანონმდებლობაში შესაბამისი ცვლილებების შეტანა, რომლის მიხედვითაც თუ პარტია უდიერად ეპყრობა საკუთარი ამომრჩევლის ნებას და უარს ამბობს მანდატებზე, მას უარი უნდა ეთქვას სახელმწიფო დაფინანსებაზეც. ეს იქნება ლოგიკური, ამაზე პარლამენტი ალბათ იმსჯელებს,” – განაცხადა ირაკლი კობახიძემ.
