ცოტა ხნის წინ რუსთავში გარე მოვაჭრეებმა ცენტრალური გზა გადაკეტეს და პროტესტი ასეთი გზით გამოხატეს. ისინი ტანისამოსით მოვაჭრეები არიან და ახალი რეგულაციებით, გუშინ ზედამხედველობის სამსახურმა ვაჭრობა აუკრძალა.
სიტყვიერი დაპირისპირება მოხდა აქციის მონაწილეებს, მანქანის მძღოლებსა და მგზავრებს შორის, რომელთაც აქციის მონაწილეები გავლის საშუალებას არ აძლევდნენ.
ადგილზე იმყოფებოდა რუსთავის მერიც, რომელსაც აქციის მონაწილეებმა თავიანთი პრეტენზიები წაუყენეს. ერთ-ერთმა ქალბატონმა მერს შესთავაზა, რომ მისი მშიერი ბავშვები წაეყვანა და ერჩინა, რაზეც მერმა უპასუხა, რომ წაიყვანდა და ბავშვებს დაეხმარებოდა, თუმცა, ცხადია, უარი მიიღო.
