კოვიდ-19 ის საწინააღმდეგო ვაქცინების საკითხი მთელ მსოფლიოს აღელვებს. ვაქცინაციის პროცესი დაწყებულია, თუმცა უმეტესად მწარმოებელი კომპანიებისგან, ვაქცინების მსხვილ პარტიებს მდიდარი ქვეყნები ღებულობენ,რაც ცალკე პრობლემაა. კიდევ ერთი დიდი პრობლემა ვაქცინების მიმართ აგორებული დეზინფორმაციული კამპანიებია, რაც ადამიანებში გარკვეული შიშის და უნდობლობის გაჩენას ემსახურება. ჯერ კიდევ მაშინ, როდესაც დღეს არსებული ვაქცინებიდან, უმეტესობა კვლევის ფაზაში იმყოფებოდა, ჯანმო დიდი მოცულობის საინფორმაციო ტალღაზე, ინფოდემიაზე გვაფრთხილებდა, რომელსაც თან დამახინჯებული და მცდარი ცნობები ახლავს. პანდემიასტან ერთად უამრავი ჭორი და ტყუილი ვრცელდება ამბობდნენ ჯანდაცვის მსოფლიო ორგანიზაციაში.








