ჩვენი პლანეტის მიღმა გონიერი სიცოცხლის აღმოჩენა კაცობრიობის ისტორიაში ყველაზე გარდამტეხი მოვლენა იქნება, მაგრამ რა მოხდება, თუ მეცნიერებმა გადაწყვიტეს კოლექტიურად უგულებელყონ მტკიცებულებები და მინიშნებები, რომ ეს უკვე მოხდა?!
სწორედ ეს საკითხია ერთ-ერთი მოწინავე ასტრონომის ახალი წიგნის წინაპირობა. ის ირწმუნება, რომ 2017 წელს მზის სისტემაში შემოსული ვასკვლავთშორისი უცხო ობიექტი, არამიწიერი ცივილიზაციის ტექნოლოგია იყო.
ავი ლოები ჰარვარდის უნივერსიტეტის ასტრონომიის დეპარტამენტს ყველაზე დიდხანს ხელმძღვანელობდა, გამოქვეყნებული აქვს ასობით პუბლიკაცია, თანამშრომლობდა სტივენ ჰოკინგთან; აკადემიურ წრეებში საკმაოდ წონიანი ასტრონომია.
ლოების თქმით, იმაზე ფიქრი, რომ ჩვენ უნიკალურები და პრივილეგირებულები ვართ ქედმაღლობაა. ის მიიჩნევს, რომ კოსმოსში უამრავი კულტურაა და უბრალოდ მათი პოვნაა საჭირო.
