ამერიკის კინოაკადემიამ “ოსკარი 2022-ის” გამარჯვებულები დაასახელა. რიგით 94-ე დაჯილდოებაზე ერთ-ერთ მთავარ მოვლენად უილ სმიტის საქციელი იქცა.
კომიკოსმა და მსახიობმა, კრის როკმა უილ სმიტის მეუღლის ჯეიდა პინკეტ სმიტის გადაპარსულ თავზე იხუმრა, რამაც უილ სმიტის მწვავე რეაქცია გამოიწვია, ის სცენაზე ავიდა და წამყვანს გაარტყა.
როგორც მედია წერს, ჯეიდა პინკეტ სმიტს ალოპეცია აქვს, ავტოიმუნური დარღვევის გამო თმა სცვივა და მისი ვარცხნილობაც სწორედ ამას უკავშირდება.








