მას შემდეგ, რაც ბრიტანეთის დაზვერვის სამსახურმა მი-6-მა, ახალი თანამშრომლის ასაყვანად არსებული მკაცრი წესები შეამსუბუქა, პირველად, თავის რიგებში საზღვარგარეთ დაბადებულებსაც მიიღებს. Times-ი სამთავრობო წყაროებზე დაყრდნობით წერს, რომ ამით დაზვერვის სამსახურში იმედოვნებენ, რომ კულუტურულ მრავალფეროვნებას შეუწყობენ ხელს.

ჯაშუშობის კანდიდატისთვის აღარაა აუცილებელი, რომ ის ბრიტანეთში იყოს დაბადებული. თუმცა მომავალი ჯაშუში, აუცილებლად ბრიტანეთის მოქალაქე უნდა იყოს.

აქამდე, მი-6-ის დაზვერვა, მხოლოდ ბრიტანეთში დაბადებულებით იყო დაკომპლექტებული. გამოცემის წყაროს თანახმად, ახალი გადაწყვეტილება მიზნად ისახავს, მიიზიდონ რაც შეიძლება მეტი ნიჭიერი ადამიანი, რათა შეიქმნას „მრავალფეროვანი აზროვნების“ მქონე ჯგუფი.

მათი აზრით, მი-6 ის კედლებში, სხვადასხვა ეროვნებისა და წარმოშობის ადამიანების ყოფნა, დაზვერვას უფრო ეფექტურს გახდის.