საქართველოს შინაგან საქმეთა სამინისტროს თანახმად, 9 თებერვალს იტალიასა და საფრანგეთში ჩატარებული ოპერაციების შედეგად სხვადასხვა დანაშაულებრივი ჯგუფის წევრი საქართველოს მოქალაქეები დააკავეს.

კერძოდ, ოპერაცია „კანონიერი ქურდის“ ფარგლებში გამოავლინეს და დააკავეს იტალიის რესპუბლიკის ტერიტორიაზე 23, პოლინეთში-2, საბერძნეთში-1, ბელგიაში 1 და სლოვენიაში 1 მოქალაქე, რომლებიც იტალიის რესპუბლიკასა და ევროკავშირის ტერიტორიაზე ჩადიოდნენ დანაშაულებრივ ქმედებებს.

„გამოძიებით დადგენილია, რომ დაკავებული საქართველოს მოქალაქეები ჩრდილოეთ იტალიაში ბინებს ქურდავდნენ, მოპარულ ნივთებს შემდგომი რეალიზაციის მიზნით კონკრეტულ ადგილებზე აბარებდნენ, ნაქურდალი ნივთების რეალიზაციის შედეგად მიღებული თანხით კი იტალიის რესპუბლიკის ტერიტორიაზე ლეგალური ბიზნესსაქმიანობის წამოწყებას ცდილობდნენ…”