მსოფლიო ახალი გამოწვევის წინაშე დგას, დღესასწაულების მოლოდინში ქვეყნები მნიშვნელოვანი გადაწყვეტილების წინაშე დგანან – შეამსუბუქონ თუ არა კორონავირუსის პრევენციის მიზნით დაწესებული შეზღუდვები.
კოვიდ ახალი წელი ევროპაში – რა შეზღუდვებს აწესებენ ქვეყნები ნიდერლანდების პრემიერ-მინისტრის განცხადებით, ქვეყანაში 5-კვირიანი მკაცრი ლოქდაუნი წესდება. შეზღუდვები 15 დეკემბრიდან 19 იანვრამდე იქნება ძალაში.
ქვეყანაში დახურულია მაღაზიები, კინოთეატრები, სალონები და სპორტული დარბაზები. 17 დეკემბრიდან იხურება სკოლებიც. ხელისუფლება მოქალაქეებს მოუწოდებს, თუ აუცილებელი არაა, მარტამდე მოგზაურობისგან თავი შეიკავონ.
შეზღუდვები ცოტა ხნით შობის დღეებში შემსუბუქდება. ოჯახებს შესაძლებლობა მიეცემათ 2 სტუმრის ნაცვლად სამი მიიღონ.
