„აზოვის“ პოლკის მეთაურის თქმით, „აზოვსტალის“ ქარხანაში ასობით მშვიდობიანი მოქალაქეა, მათ შორის ბავშვები და მოხუცები. მისივე თქმით, რუსებმა ამის შესახებ იციან, თუმცა ტერიტორიას მიზანმიმართულად ბომბავენ.
„რუსულმა საოკუპაციო ძალებმა და მათმა რწმუნებულებმა იციან მშვიდობიანი მოქალაქეების შესახებ და მიზანმიმართულად ხსნიან ცეცხლს ქარხანაზე. ისინი იყენებენ თავისუფალი ვარდნის ბომბებს, რაკეტებს, ყველა სახეობის არტილერიას, როგორც სახმელეთო ასევე საზღვაოს.
ქალაქის თეატრი, სამშობიარო, სკოლები, საბავშვო ბაღები, საავადმყოფოები, სახლები დაანგრიეს მათ ვინც ახლა მშვიდობიანი მოსახლეობის ევაკუაციას უსაფრთხოებას სთავაზობს, ეს იგივე ხალხია და მათი არავის სჯერა“, – ამბობს აზოვის მეთაური დენის პროკოპენკო ვიდეომიმართვაში.
