აშშ-ში ნაფიცმა მსაჯულებმა 2020 წლის აგვისტოში 2 ადამიანის მკვლელობაში ეჭვმიტანილი კაილ რიტენჰაუზი უდანაშაულოდ ცნეს. BBC-ის ინფორმაციით, 2020 წელს უისკონსინის შტატის ქალაქ კენოშაში მასშტაბური საპროტესტო აქციები მას შემდეგ დაიწყო, რაც ერთ-ერთმა პოლიციელმა შავკანიანი მამაკაცი დაჭრა.
დემონსტრაცია არეულობაში გადაიზარდა, რა დროსაც აქტივისტების ნაწილმა ქალაქის სასამართლოს შენობაში შეჭრა სცადა.
კაილ რიტენჰაუზი, რომელიც მაშინ 17 წლის იყო, მოხალისეებს შეუერთდა, რათა ქალაქი მოროდიორებისგან დაეცვა. მან შეიარაღებულ თავდამსხმელებს ცეცხლი გაუხსნა, რა დროსაც 2 ადამიანი დაიღუპა, მე-3 კი დაშავდა.
ნაფიცი მსაჯულების გადაწყვეტილებას გამოეხმაურა აშშ-ის პრეზიდენტი ჯო ბაიდენი. ბაიდენი აცხადებს რომ „გაბრაზებულია“ და არ იზიარებს მსაჯულების გადაწყვეტილებას.
